Qaranlıq təhlükə: bağnazlıq: Qadınları heyvanlara bənzədən fanatik zehniyyətdən nümunələr

Qadınlar yeddi sifətlidir:

1. Geyinib-keçinmək həvəsində görə meymun, 2) Kasıblığa düşməyə razı olmadığından it, 3) Ərinə və digər insanlara qarşı təkəbbürünə görə ilan, 4) Gecə-gündüz dedi-qodu etdiyinə görə əqrəb, 5) Evdəki əşyalardan satdığına görə siçan, 6) Kişilərə hiylə qurduğuna görə tülkü, 7) Ərinə itaət etdiyinə görə də qoyun. (İmamı Gazali, İhya-u Ulumuddin)

urada belə bir sual vermək lazımdır: Yuxarıdakı bu iyrəncliklərlə dolu saxta hədisə inanan bir kişinin, bir qadına baxış prizması necə olar? Yoldaşını necə sevə bilər, ona necə hörmət bəsləyə bilər? Belə bir insanın dünyada ən yaxın olması lazım olan varlığa, yoldaşına qarşı nifrət duyğusundan savayı, necə başqa bir duyğu bəsləyə bilər? Öz yoldaşını sanki heyvan hesab edərkən, ona qarşı Quranda xüsusilə qeyd olunan sevgi və məhəbbəti necə qazana bilər? Əlbəttə ki, qazana bilməz. Halbuki Allah Quranda, ərlə-arvad arasında mövcud olan xüsusi sevgi və mərhəmətdən bəhs edir:

Buna əsaslanaraq, mövzunu bir qədər də genişləndirək.

Ümumi mənada qadına baxış prizması bu qədər ürküdücü təfərrüatlarla dolu bir insanın öz anasına, bacısına, öz qızına baxış prizması da, şübhəsiz, eyni olacaq. Onlara qarşı sağlam sevgi və hörmət anlayışı bəsləyə bilməyəcək, bu yalan sözdəki məntiqin əks olunması şəklində özünü göstərəcək və istər-istəməz baxış prizması da yalnız alçaltmaq üzərində qurulmuş olacaq.

Aydındır ki, saxta hədislərdə verilən tərifdə sevgiyə deyil, nifrətə təşviq edilir. Bəhs olunan saxta hədislərdə təsvir edilən qadına, hörmət bəslənilməsi sanki qeyri-mümkündür. Onsuz da, az da olsa sevgidən bəhs olunmur. Allahın Quranda əsas şərt kimi ifadə etdiyi bu möhtəşəm duyğu, Allahın kainatı yaratma məqsədi olan sevgi sanki unudulmuşdur. Bu necə bir dindir ki, bu qədər çox düşməni var və ən başlıca düşmənləri qadınlardır?

Şübhəsiz ki, belə bir din, Qurandakı haqq din deyil.

Həmçinin bunu da qeyd etmək lazımdır ki, Qurana görə hüsnü-zənnlə, yəni xoş gümanla baxmaq əsasdır. Dəlillər, şahidlər olmadan zənn bəsləmək haramdır. Dolayısilə qarşı tərəf sırf qadın olduğu üçün ona; “xaindir, geyinib-keçinmək məsələsində ehtiraslıdır, oğurluğa meyllidir, fəndgirdir, hiyləgərdir, təkəbbürlüdür” kimi ön mühakimələrlə və qərəzlə yanaşmaq Qurana görə sui-zənn, yəni pis gümandır. Dolayısilə yalan və haramdır. Bir insana hiyləgər deyə bilməyimiz üçün, həqiqətən saxtakar, səmimiyyətsiz olduğuna şahid olmalıyıq. Bir insanı oğurluqda ittiham edə bilməyimiz üçün, bu insanın özünə məxsus olmayan bir malı oğurladığını sübut etməliyik. Dəlillər, şahidlər olmadan bir insana qarşı sırf qadın olduğu üçün, bu kimi ittihamlar irəli sürmək, Qurana görə böhtan atmaqdır. Böhtanı atan da zalım olar. Ancaq fanatiklər Quran hökmlərindən xəbərsiz, tam fərqli bir batil dini yaşadıqlarından, uydurma hədislərdəki bu azğın məntiqləri görə bilmirlər. Növbəti fəsildə qadınlara məhdudiyyətlər qoymaq və onları alçaltmaq üçün, öz aləmlərində Qurandan dəlillər gətirməyə çalışanların iddiaları cavablandırılacaq.