Qaranlıq təhlükə: bağnazlıq: Fanatiklərin saxta dini

Quranın hökmlərini ən mükəmməl tətbiq edən və bütün həyatı boyu Qurana uyğun yaşayan Peyğəmbərimiz (s.ə.v) müsəlmanlar üçün ən gözəl nümunədir. Şübhəsiz ki, bütün tətbiqləri və sözləri, Quranla tam uyğunluq təşkil edir və bunlardan dövrümüzə gəlib çatanlar. Hədis adlandırılan bu sözlərin bir hissəsi, Quranda bildirilən tətbiqləri əks etdirir. Buna görə də, bunların Peyğəmbərimiz (s.ə.v)-ə aid olduğu aydındır və doğrudur. Xüsusilə axırzamana işarə edən hədislərin bir çoxu heç dəyişmədən qalmış və onlarda gələcəkdə baş verəcək qeyri-adi hadisələrdən xəbər verilmişdir. Həmin bu hədislərdə bildirilənlər yaşadığımız dövrdə bir-bir gerçəkləşir. 1400 il əvvəl xəbər verilən Lulin quyruqlu ulduzunun dünyanın yaxınlığından keçməsi, Əfqanistanın işğalı, İraq müharibəsi, 11 sentyabr hadisələri kimi bəşər tarixində yalnız bir dəfə yaşanmış hadisələr reallaşmışdır. (Ətraflı məlumat üçün baxın: “Hz. İsa (as) ve Hz. Mehdi (as) Bu Yüzyılda Gelecek, Harun Yahya, Global Nəşriyyat). Dolayısilə Peyğəmbərimiz (s.ə.v)-in verdiyi müjdələr bizim üçün olduqca əhəmiyyətlidir və bu, hədislərin səhih olanlarını bir müjdə və nemət hesab etməli olduğumuz, hamısını saxta hədislər kimi xarakterizə edə bilməyəcəyimiz həqiqətini göstərir.

Ancaq bu da bir həqiqətdir ki, hədis kitablarına sonradan əlavə olunmuş, Peyğəmbərimiz (s.ə.v)-in sözləri və sünnəsiylə heç bir əlaqəsi olmayan bəzi məlumatlar hazırkı dövrün hədis kitablarında mövcuddur. Bu sözlərin səhih hədislərdən fərqləndirici xüsusiyyəti, Quranla tamamilə ziddiyyət təşkil etmələridir. Qurana zidd olan sözlər və tətbiqlər, qətiyyən Peyğəmbərimiz (s.ə.v)-ə aid ola bilməz.

Dolayısilə İslam dinindən başqa bir din olan fanatiklərin dinini öyrənərkən hədislər mövzusundakı bəzi həqiqətləri də bilməliyik. Çünki fanatiklərin dini, İslamın yeganə kitabı olan Quranda yoxdur. Bəs bu batil din haradadır?

Fanatiklərin dini ənənələrdə, dildən-dilə keçən mövhumatlarda, böyük bir qismi isə Peyğəmbərimiz (s.ə.v)-ə aid olduğu böhtanıyla, ortaya atılan saxta hədislərdədir. Quranın endirilməsindən sonra, keçən əsrlər ərzində Peyğəmbərimiz (s.ə.v)-in bəzi tətbiqləri və sözləri hədislər adı altında bir yerə toplanmışdır. Hədislərin hicri 2-ci əsrdən etibarən yazı halına gətirilməyə başlandığı güman edilir. Bu hədislərin bəzilərini qoruyub saxlamaq mümkün olmuşdur. Bəziləri isə səhv köçürülmüş, təhrif edilmiş və ya tamamilə uydurulmuşdur.

Daha əvvəl də qeyd etdiyimiz kimi, bir hədisin həqiqətən Peyğəmbərimiz (s.ə.v)-in sözünü və ya tətbiqini əks etdirib etdirmədiyini bilmək üçün Qurana müraciət etməliyik.

Qurana uyğun gələn və ya gələcəyə aid məlumat ehtiva edib gerçəkləşən bir hədis doğrudur. Amma bu hədis Quranla ziddiyyət təşkil edirsə, onun qətiyyən doğru qəbul edilməyəcəyinə heç bir şübhə yoxdur.

Bəs hədislər bir müsəlmana lazımdırmı? Əvvəla qeyd edək ki, müsəlman üçün tək mütləq mənbə Qurandır və təkcə o müsəlman üçün kifayətdir. Uca Rəbbimizin hökmünə görə hər bir müsəlman yalnız Qurandan sorğu-sual olunacaqdır. Lakin Peyğəmbərimiz (s.ə.v)-in Qurana əsaslanan tətbiqlərini və ya möcüzələrini bilmək, əlbəttə ki, böyük bir nemətdir. Hədislərə tabe olmaq müsəlman üçün fərz deyil, ancaq Peyğəmbərimiz (s.ə.v)in söz və tətbiqləri, gələcəyə dair verdiyi müjdələr əhəmiyyətli bir yol göstəricidir. Məhz buna görə də, doğru açıqlamanı yanlış açıqlamadan fərqləndirmək və dövrümüzə qədər gəlib çatmış səhih hədisləri müəyyənləşdirib başa düşə bilmək çox əhəmiyyətlidir. Bəzi İslam cəmiyyətlərinin əsas problemi Quranı tamamilə tərk etmələri və bunun əvəzinə uydurma hədisləri rəhbər tutmalarıdır. Həmin bu uydurma hədisləri “saxta hədislər” başlığı altında nəzərdən keçirəcəyik: