Qaranlıq təhlükə: bağnazlıq: Fanatizm iyrəncliyi

“Ureynə və Ukeylə qəbilələrindən bir qrup Mədinəyə gələrək müsəlman oldular. Mədinənin havası onlara pis təsir edəndə Peyğəmbər onlara dəvə sidiyi içmələrini tövsiyə etdi.” (Buhari Tıp5/1, Hanbel 3/107, 163)

“İçkinizin (və yeməyinizin) içinə milçək düşərsə, onu tamamilə batırın, sonra da girən milçəyi çıxardıb atın. Çünki milçəyin iki qanadından birində xəstəlik, digərində isə şəfa var...” (Diyanət nəşriyyatı, IX cild, səh. 70 və Hədis N:. 1365))

İbni Abbas (r.ə) belə nəql edir: “Rəsulullah əleyhissəlatu vəssəlam belə buyurdu: “Yemək yeyərkən yalamadıqca və ya yalatmadıqca əlinizi (dəsmala) silməyin”.

(Buhari, Et'ime 52; Müslim, Eşribe 129, (2031); Ebu Davud, Et'ime 52, (3847)).

Rəsulullah (s.ə.v)-ə yağın içinə düşən siçan barədə sual verildi. Əleyhissəlatu vəssəlam da: “Onu və murdarladığı hissəni atın yağınızı isə yeyin!” deyə buyurdu. [Buhari, Vudu 67, Zebaih 34; Muvatta, İsti'zan 20, (2, 971, 972); Ebu Davud, Et'ime 48, (3841, 3843)] urada sadəcə bir neçə nümunəsini sadaladığımız bu saxta hədislər, fanatik zehniyyətin insanlara necə biabırçı və iyrənc bir həyat tərzi təqdim etdiyinin əhəmiyyətli dəlillərindəndir. Fanatiklər bu uydurma hədislərlə, öz aləmlərində Peyğəmbərimiz (s.ə.v)-ə belə böhtan atmağa cürət edirlər. Bu saxta, lakin fanatiklər tərəfindən tətbiq olunan hədislər, həmçinin bu şəxslərin təmizlik və ədəb anlayışlarından da xəbər verir.

Allah əsla belə bir iyrəncliyə izin verməmişdir. Qurana görə müsəlmanlar təmiz olmaqla, evlərini təmiz saxlamaqla, təmiz geyinməklə və təmiz yeməklər yeməklə məsuldurlar. Quranda müsəlmanların təmiz, müşriklərin isə murdar olduqları bildirilir. Quran əxlaqını yaşamayan, Allahın nazil etdiyindən başqa din gətirən, buna görə də şirk içində olan fanatiklər də, şübhəsiz ki, bu cürdürlər. Allah belə xəbər vermişdir:

...Allah, ağlını işlədə bilməyənləri murdar edər.

(Yunis surəsi, 100)

Gördüyümüz kimi, Allah ayələrdə “ağlını işlədə bilməyən” bir cəmiyyətdən bəhs edir. Bu cəmiyyət Qurandakı həqiqətləri qulaqardına vuraraq, mövhumatlara tabe olan fanatikləri çox yaxşı təsvir edir. Əllərində Quran olmasına baxmayaraq, başqa bir din uyduran və bu dinin kor-koranə yaradıldığını və saxta olduğunu bilə-bilə, ağıllarını işlətməyərək mövhumatlara uyan cəmiyyətləri Allah “murdar edər”. Bu hal həqiqətdən də yaşanır və fanatiklər ağılsızlıqları ucbatından yuxarıdakı saxta hədislərdə bildirilən iyrəncliklərə inanaraq iyrənc bir həyat tərzi yaşayırlar. Əlbəttə ki, bu insanların əksəriyyəti cahillik və məlumatsızlıqdan ötrü istəmədən bu həyatı yaşayır. Onları həmin bu ağılsız fanatik cəmiyyətlə eyni tutmamaq lazımdır. Onların doğrunu tapması üçün, bu kitabda ətraflı açıqlanan məlumatlara, yəni Qurandan gətirilən dəlillərə əsaslanan maarifləndirməyə daimi bir ehtiyac var. Rəbbimiz Quranda müsəlmanlardan olduqca geniş və mükəmməl bir təmizlik anlayışına malik olmalarını istədiyini bildirir:

... İlk gündən təqva üzərində qurulmuş məscid, əlbəttə, içində namaz qılmağın (və digər işləri görməyin) üçün daha layiqdir. Orada maddi və mənəvi cəhətdən təmizlənməyi çox sevən kişilər vardır. Allah da təmizlənənləri sevir. (Tövbə surəsi, 108) Ey iman gətirənlər! Sizə ruzi kimi verdiyimiz pak şeylərdən yeyin və əgər yalnız Allaha ibadət edirsinizsə, (yenə də yalnız) Ona şükür edin! (Bəqərə surəsi, 172)

İman gətirib saleh əməllər işləyənləri isə ağacları altından çaylar axan, içində əbədi məskunlaşacaqları Cənnət bağlarına daxil edəcəyik. Onlar üçün orada pak zövcələr vardır...

(Nisa surəsi, 57)

Səndən onlara nəyin halal edildiyini soruşurlar. De:

Bu gün pak nemətlər sizə halal edildi... (Maidə surəsi, 5) De: “Allahın Öz qulları üçün üzə çıxartdığı zinəti və təmiz ruziləri kim haram etmişdir?” De: “Bunlar dünya həyatında iman edənlər üçündür, Qiyamət günü isə yalnız onlara məxsusdur”. Biz dərk edən adamlar üçün ayələri belə bir-bir izah edirik.

(Əraf surəsi, 32)

O kəslər ki, yanlarındakı Tövrat və İncildə haqqında yazılmış olduğunu gördükləri elçinin – yazıb-oxumaq bilməyən peyğəmbərin, ardınca gedərlər. O peyğəmbər onlara yaxşı işlər görməyi buyurar, pis əməlləri isə qadağan edər, onlara pak şeyləri halal, murdar şeyləri isə haram edər...(Əraf surəsi, 157) Bir zaman Biz İbrahimə evin (Kəbənin) yerini nişan verib: “Mənə heç bir şeyi şərik qoşma, evimi təvaf edənlər, namaza duranlar, rüku və səcdə edənlər üçün təmizlə!” demişdik.

(Həcc surəsi, 26)

Quranda müsəlmanlara təmizliyin əmr edildiyi ayələr daha çoxdur. Biz burada yalnız bir neçəsini sadaladıq. Əraf surəsinin 32-ci ayəsində xüsusi olaraq diqqət çəkilən əhəmiyyətli bir məqam var, bu da müsəlmanlara zinətləri haram edənlərin olması kimi, təmiz ruziləri də haram edənlərin olmasıdır. Həqiqətən də, fanatiklərin həyat tərzinə diqqətlə nəzər saldığımızda, təmizliyi müsəlmanlara haram edənlərin fanatik zehniyyətə sahib bu insanlar olduqlarını görərik.

Qurana əsasən bir müsəlman daim müasir geyinən, ən təmiz, ən baxımlı insan olmalı, təmiz qidalar yeməli, yaşadığı yeri təmiz saxlamalıdır. Yəni hər an tərtəmiz olmalıdır.

Peyğəmbərimiz (s.ə.v) olduqca təmizkar idi. Bu qədər təmizkar olan Peyğəmbərimiz (s.ə.v)-ə, yuxarı bəhs etdiyimiz tərzdə saxta hədislərlə böhtan atılmağa çalışılması, şübhəsiz ki, Allah qatında çox böyük günahdır. Lakin fanatiklər bu həqiqətdən xəbərsiz kimi davranarlar.

Saxta hədislərdəki səhvləri göstərmək üçün Peyğəmbərimiz (s.ə.v)-in həqiqətdə həyata keçirdiklərinə baxaq. Peyğəmbərimiz (s.ə.v)-in təmizkarlığı və təmizliyə verdiyi diqqəti mövzusundakı bəzi səhih hədislər belədir (bu hədislər Qurana uyğun gəldikləri üçün səhih qəbul edilir):

“Müsəlmanlar təmizdir, çirksizdir. Siz də təmiz olun, təmizlənin. Çünki cənnətə təmizlər girər”. (G.Ahmed Ziyaüddin, Ramuz El Hadis, I cild, / Deylemi)

“Mömin natəmiz olmaz”. (Buhari, Gusul/276)

“Hər şeyi yaxşı təmizləyin! Təmizlik imana, iman da cənnətə aparır”. (Taberani)

“Təmizlik imanın yarısıdır”. (Müslim)

Hz. Səlman (r.ə) deyir: “Tövratdan oxudum, orada: “Yeməyin bərəkəti yeməkdən sonra (əl və ağzı) yumaqdadır” deyilirdi. Bunu Rəsulullah (s.ə.v)-ə söylədim O da mənə: “Yeməyin bərəkəti yeməkdən əvvəl və sonrakı təmizlikdədir!” dedi”. (Ebu Davud, Et'ime 12, (3761); Tirmizi, Et'ime 39, 1847)

“Sarımsaq yeyən qoxusu çəkilmədən məscidimizə yaxınlaşmasın, insanın narahat olduğu şeylərdən mələklər də narahat olar”. (Taberani)

“Paltarlarınızı yuyun, artıq tüklərinizi qırxın, dişlərinizi təmizləyin, təmiz və gözəl geyinin! Pak olun!” (İbni Asakir) “Sarımsaq və ya soğan yeyən şəxs bizdən və məscidlərimizdən uzaq dursun, evində otursun”. (Buharî, Edeb, 76)

“Namazın açarı təmizlikdir”. (Tirmizi)

“Gözəl geyinin ki, Allahın sizə verdiyi nemətlər görünsün!”. (Taberânî)

(Bəhrül-raiq)də belə buyurulur: “Camal, çirkinliyi yox etmək, təmkinli olmaq və şükür etmək üçün neməti göstərmək deməkdir. Allah camal sahibi olmağı tərifləyir. Camal üçün təmiz, gözəl geyinmək mübahdır”. (Oruç bahsi)

“Allah quluna verdiyi nemətin onun üzərində görülməsini sevər”. [Taberânî] Əbu Süfyan (r.ə): “Mənə Əbu Əyyub Əl-Ənsari, Şeyx Cabir ibn Abdullah Ənsari və Malik ibn Ənəs xəbər verdilər ki, tövbə surəsinin 108-ci ayəsinin mənası belədir: “Orada maddi və mənəvi cəhətdən təmizlənməyi çox sevən kişilər vardır. Allah da tez-tez təmizlənənləri sevir” ayəsi nazil olduğu vaxt Rəsulullah: “Ey Ənsar camaatı! Allah sizi təmizliyinizdən ötrü tərifləyir, necə təmizlənirsiniz ki bu tərifə layiq oldunuz?” deyə soruşdu. Onlar da: “Biz namaz üçün dəstəmaz alırıq, qüslün pozulmamağı üçün yuyunuruq” dedilər. Əleyhissəlatu vəssəlam da: “Elə bunun üçün təriflənirsiniz! Buna davam edin!” deyə buyurdu”.

(Kütüb-i Sitte, 6066)

Hz. Ənəs (r.ə) belə nəql edir: “Mənə qadın və gözəl qoxu sevdirildi, namaz gözümün nuru oldu”.

(Nesâî, İşretu'n-Nisâ 1, (7, 61))