Qaranlıq təhlükə: bağnazlıq: “Ərəb torpaqlarında iki din qalmasın” iddiası

“Resullahın son sözlərindən biri, (Allah, yəhudi və xristianları həlak etsin. Ərəb torpaqlarında iki din qalmasın) idi”. (Beyheki)

u uydurma hədis, yenə, Peyğəmbərimiz (s.ə.v)-ə atılmış böyük bir böhtandır. Uca Allah Quranda xristianlıq və yəhudilik dinlərinin varlığından xəbər vermiş və Quranın bu iki haqq dini təsdiqləyici olaraq göndərildiyini bildirmişdir. Quran bu iki dinin hökmlərini qüvvədən salmır, bu dinləri təsdiqləyir. Bu əhəmiyyətli məlumat Quranın bir çox ayəsində verilmişdir, bu ayələrdən biri belədir:

Quran yenə, yer üzündə yəhudi və xristianların olacağını və yuxarıdakı sətirlərdə bildirdiyimiz kimi, bunların bir hissəsinin, səmimi və Allahın seçdiyi bir cəmiyyət olacağını xəbər verir. Allah Quranda müsəlmanlara, xristian və yəhudilərlə evlənməyi, onların süfrəsində yemək yeməyi halal etmişdir (Bu mövzu bir qədər sonra ətraflı şəkildə açıqlanacaq). Həmçinin uca Rəbbimiz, müsəlmanlara sevgi baxımından ən yaxın olanların “xristianlar” olduğunu bildirir. Allahın təriflədiyi, mükafatlandırdığı, varlığından xəbər verdiyi bu cəmiyyətlər olduğu halda; “Allah yəhudi və xristianları həlak etsin” ifadəsinin Peyğəmbərimiz (s.ə.v)-in sözü olmadığı aydındır. Bunu Peyğəmbərimiz (s.ə.v)-in sözüymüş kimi yayanlar, bu böyük böhtandan ötrü günah qazanırlar. Həmin bu saxta hədis, Quranda Kitab Əhli ilə əlaqədar tərifləyici hökmlərlə və Peyğəmbərimiz (s.ə.v)-in Kitab Əhlinə dair tətbiqləriylə tamamilə təkzib edilir. Mövzuyla əlaqədar Quran ayələrinə və Peyğəmbərimiz (s.ə.v)-in tətbiqlərinə bir qədər sonra toxunacağıq.