Qaranlıq təhlükə: bağnazlıq: Fanatizmin çirkli din və keyfiyyətsiz müsəlmanlıq anlayışı

Fanatiklərin, müxtəlif saxta hədislərin təsiri altında hər cür iyrəncliyi mübah qarşılayan və murdarlığın hakim olduğu həyat tərzləri özüylə birlikdə dəhşətli bir keyfiyyətsizliyi də gətirir. Məhz bundan ötrü də, ümumiyyətlə bəzi İslam cəmiyyətlərində ciddi şəkildə yayılmış bir keyfiyyətsizlik dəbi var. Bu keyfiyyətsizlik anlayışına görə bir müsəlman xarici görünüş etibarilə çirkli, baxımsız, səliqəsiz, estetikadan və nəzakətdən uzaq, kobud, gözəlliyə və nəzakətə əhəmiyyət verməyən, hətta bunlardan anlamayan bir insan modelində ortaya çıxar. Fikir verilsə, qeyd olunan cəmiyyətlərdə “müsəlman” deyiləndə göz qabağında belə bir görüntünün canlanmasına diqqət yetirildiyi görülər.

Bu insanların İslam anlayışına baxdıqda belə keyfiyyətsiz və dəhşət doğuran bir həyat tərzinin ortaya çıxması, əlbəttə ki, heç bir təəccüb doğurmur. Hətta qadınların qaşlarını belə almalarını qadağan edən (bu mövzu barədə sonrakı fəsildə ətraflı şəkildə məlumat veriləcək), yeməkdən sonra əllərini yumaq əvəzinə onları başqasına yaladan, içinə milçək düşən şorbada şəfa olduğunu iddia edən bir anlayışdan keyfiyyət gözləmək, sözsüz ki, qeyri-mümkündür. Saxta hədislərin formalaşdırdığı bu saxta din anlayışı o qədər geniş yayılmışdır ki, bir müsəlmanın gözəl və keyfiyyətli görünməsi həmin şəxslərin sərt reaksiyasına səbəb olur.

İslam adı altında oynanılan bu oyun bütün İslam cəmiyyətlərinə bu və ya digər formada hakim kəsilib və bu qorxunc görüntü, əlbəttə ki, digər cəmiyyətləri də narahat edir.

Halbuki Quranda möhtəşəm keyfiyyət anlayışı var. Peyğəmbərimiz (s.ə.v) Quranı ən mükəmməl tətbiq edən şəxs kimi dövrünün ən keyfiyyətli və ağıllı insanı olmuşdur. Daim təmiz idi, ən keyfiyyətli və ən təmiz paltarları geyinər, ən nəzakətli rəftarı nümayiş etdirərdi. Peyğəmbərimiz (s.ə.v) bu gün yaşasaydı, şübhəsiz ki, yenə bu dövrün ən keyfiyyətli insanı olardı. Çünki Peyğəmbərimiz (s.ə.v) rəhbəri Qurandır və Quran hər dövrdə ən yüksək keyfiyyəti tələb edir.

Bunu xüsusi olaraq vurğulamaq lazımdır ki, kefiyyəti pul, mal-mülk və ya marka geyimlərlə əldə etmək qeyri-mümkündür. Keyfiyyət; təmizlik, özünə diqqət, gözəlliyə və estetikaya dəyər vermək, mükəmməl rəftar və davranış sərgiləmək, şəfqət və ağıllılıq, hörmət və gözəl əxlaq ilə əldə edilən bir xüsusiyyətdir. İnsan hər gün eyni paltarı geyinə bilər, lakin onu təmiz və səliqəli geyinərsə keyfiyyətli olar. Yaxud insan başqasının fikrini qəbul etməyə bilər, lakin onun fikrinə hörmət göstərib ona şəfqətlə davranarsa keyfiyyətli olar. İnsanın keyfiyyətini büruzə verən ən mühüm göstəricilərdən biri onun davranışlardır. Pisliyi, tamahkarlığı və keyfiyyətsiz hərəkətlər etməyi özünə sığışdırmayan kəs, onsuz da, normal olaraq keyfiyyətlidir. Gözəl danışan, gözəlliyi tərifləyən, hər fürsətdə incəsənət və zərifliyi üstün tutan, qarşısındakılara dəyər verən insan keyfiyyətlidir.

Məhz keyfiyyətli insan olmağı tələb edən bütün bu xüsusiyyətlər böyük ölçüdə İslam cəmiyyətlərində unudulmuşdur. Bunun da səbəbi yenə, bəzi İslam cəmiyyətlərinin ən böyük səhv olaraq Quranı tərk etmələri olmuşdur. Keyfiyyətə deyil, kəmiyyətə, sevgiyə deyil, nifrətə, təmizlik və baxıma deyil, natəmizlik və səliqəsizliyə əhəmiyyət verən cəmiyyətlər formalaşmışdır. Bunun tək həll yolu Qurandır. Hal-hazırda ən vacib zərurətlərdən biri, bir müsəlmanın sahib olduğu üstün keyfiyyəti, Qurandan dəlillər gətirməklə həmin bu cəmiyyətlərə göstərməkdir. Qurandan dəlillər gətirmədikcə həmin bu cəmiyyətlər demokratiyadan uzaqlaşmağa, qəzəbli olmağa, keyfiyyətsizliyi yaymağa, incəsənət və təmizliyə əhəmiyyət verməməyə davam edəcəklər. Bu isə hər ötən gün böyüyən ciddi bir bəladır.