Qaranlıq təhlükə: bağnazlıq: Oruc tutmağı tərk edənlərin həbs edilməsi və ac saxlanılması

Orucu qəsdən tərk edən şəxs kafir olmayıb həbs edilər, yemək və su verilməz. (Eş-Şerh-is Sagir 1/239) (Kıfeyet-it Tafib 2/252) (El-Mugni- 2/408)

Həmin bu saxta hədis, yenə yuxarıda bəhs etdiyimiz eyni məntiqdən ötrü din və vicdana ziddir:

1. Sevərək edilməli bir ibadət zorla etdirilməyə çalışılır, 2) “Dində məcburiyyət” və təzyiqin olmadığını bildirən ayənin hökmünə tamamilə qarşı çıxılır, 3) Dindəki şəfqət əvəzinə vəhşiliyi əks etdirir, 4) Dinin əsas məqsədi olan Allahı və ibadəti sevdirmək əvəzinə, dinə və ibadətə qəzəb və nifrət bəsləməyə sövq edir.

Bütün bunlarla yanaşı, oruc bəzi insanların çətinliklə tutduğu, xəstələrin isə tutmaqdan məsuliyyət daşımadığı ibadətdir. Allah oruc hökmü ilə bağlı Qurandakı ayələrdə bu mühüm şərti açıq şəkildə bildirmişdir:

...Sizlərdən bu aya çatan şəxslər həmin ayı oruc tutmalıdırlar.

Xəstə və ya səfərdə olanlar isə başqa günlərdə eyni sayda oruc tutmalıdırlar. Allah sizin üçün çətinlik deyil, asanlıq istəyir...

(Bəqərə surəsi, 185)

Oruc hökmünün çox aydın izah edildiyi bu ayələrdə, Ramazan ayında xəstə və ya səfərdə olanların oruc tuta bilmədikləri günlərin sayı qədər başqa günlərdə oruc tutmaları, əgər xəstəlik və ya taqətsizlik kimi səbəblərdən ötrü oruc ibadətlərini heç yerinə yetirə bilmirlərsə, onda kəffarə olaraq bir yoxsulu doyurmaları hökmü iştirak edir və Allah ayəsində: “Allah, sizin üçün çətinlik deyil, asanlıq istəyir” eyə bildirir. Xəstəlik və taqətsizlik ucbatından oruc tuta bilməyənlər üçün bu cür asan və aydın bir hökm olduğu halda, artıq bu şəxslərin oruc tutmaq üçün israr etmələri, özlərinə zülm etmələrinə deməkdir. Qurana görə müsəlmanların özlərinə zərər verəcək şeylər etmələri isə qadağan olunmuşdur.

Qurandakı bu qədər açıq hökmü tamamilə dəyişdirərək, Qurana zidd saxta hədislərlə sanki bir zülm sistemi yaratmaq, fanatik zehniyyətə sahib insanların tətbiqlərini göstərməsi baxımından əhəmiyyətlidir. Bu insanlar öz aləmlərində Quranın şəfqətli üslubunu bəyənməz (Allahı və Quranı tənzih edirik), öz qaranlıq dünyalarına uyğun bir din yaratmağa cəhd edərlər. Həmin bu zülmə əsaslanan mövhumatları dinə əlavə etməyə çalışmalarının əsas səbəbi də budur.

Bir insan xəstə ola bilər, çətinliklə dözə bilər. Əlbəttə ki, bütün insanlar eyni gücə malik deyil. Bir çox insan dünya həyatında müxtəlif xəstəliklərlə imtahan olunur. Allah sonsuz şəfqəti ilə xəstə və taqətsizlər barədə bu hökmü verdiyi halda, hazırda hələ də bəzi ölkələrdə bu saxta hədislərə əsaslanaraq zorla oruc tutdurulur. Xəstə olduğu üçün oruc tutmayan bir insanın bu saxta hədisə əsasən bir yerə salınıb, susuz və ac buraxıldığı yeri təsəvvür etmək çətin deyil. Şübhəsiz ki, belə bir mühitdə, həmin insanın xəstəliyi qısa müddətdə ağırlaşacaq və bir müddət sonra dünyasını dəyişəcək. Məhz fanatik zehniyyət, insanın canına zərər vermə bahasına belə bir zülmü zorla etdirməyə çalışır.