İstər gənc, istər yaşlı olsun, insanların çoxunun bu dünyadan gözlədiyi, yalnız müvəffəqiyyətli, etibarlı, rahat və lüks həyat deyil; əslində hər kəs bunlara sahib olmaqdan zövq duyar. Lakin hər şeyin üstündə insanlar həyatlarının mənası və məqsədi olmasını istəyərlər. Məhz möminlərlə inkar edənlər bu əhəmiyyətli nöqtədə bir-birlərindən fərqlənirlər. Möminlər üçün bu həyat Allahın razılığını qazana bilmələri üçün tək fürsətləri olduğundan, həyatlarının sonuna qədər özlərinə Allahın razılığını qazanmağı məqsəd bilərlər.
İnkarçılar isə, bu dəyərsiz olan dünyadan mümkün qədər faydalanmaq üçün müxtəlif məqsədlər əldə edərək həyatlarının sonuna qədər dünyanı əldə etmə arzusu yaşayarlar. Buna görə, möminlərin yaşadığı həqiqi xoşbəxtliklə, cahil cəmiyyətin yaşadığı saxta xoşbəxtlik arasında çox böyük fərqlər var. Mömin bu dünyanın həqiqi mahiyyətinin, öz yaradılış məqsədinin, Allahın özünü sınadığının və Ona qulluq etməklə məsul olduğunun şüurundadır. Buna görə, həyatı boyunca həqiqi yurdu olan cənnəti ümid edər və Allahın razılığını qazanıb, Allahın rəhmətinə və mükafatına daha çox layiq olmağa çalışırlar. Xoşbəxtlik isə, Allahın saleh qullarına bu səmimi iman və sədaqətlərinə görə, həm dünyada, həm də cənnətdə verdiyi çox böyük bir nemətdir. Möminlərin xoşbəxtliyinin və rahatlığının qaynağı yalnız imanlarıdır. Allah səmimi imanlarına qarşılıq, onların qəlblərinə xoşbəxtlik və hüzuru nemət olaraq hiss etdirir. Möminlərin yaşadığı, şərtlərə bağlı xoşbəxtlik deyil, imanın gətirdiyi mənəvi xoşbəxtlikdir. İnkar edənlər isə, iman etmədikləri müddətcə həmişə bədbəxt olacaqlar. Allah inkarlarına qarşılıq olaraq bu insanların qəlblərini bədbəxt və sıxıntılı edəcəyini bildirmişdir:
Allah kimi doğru yola yönəltmək istəsə, onun köksünü İslam üçün açar; kimi azdırmaq istəsə, onun köksünü, sanki o, göyə çıxırmış kimi daraldar və sıxıntılı edər. Allah iman gətirməyənləri beləcə rəzalətə salar.
İnkar edənlər, dünyaya qarşı olan ehtiraslı sevgilərini tərk etmədikləri müddətcə, imanın özlərinə verəcəyi hüzuru və xoşbəxtliyi, əsla yaşaya bilmir və bilməyəcəklər. Allah bu kəslərin axirət günü buna görə duyacaqları peşmanlıqlarını “Onlar deyəcəklər: “Əgər biz dinləsəydik və ya anlasaydıq alov şölələri saçan od sakinlərinin içində olmazdıq!”“ (Mülk surəsi, 10) sözləriylə dilə gətirəcəklərini və iman etməmələrinə səbəb olaraq dünya həyatlarındakı bədbəxtliklərini irəli sürəcəklərini bildirmişdir:
Məgər Mənim ayələrim sizə oxunmurdumu, siz də onları yalan hesab etmirdinizmi? Onlar deyəcəklər:
“Ey Rəbbimiz! Bədbəxtliyimiz bizə üstün gəldi və biz doğru yoldan azan bir camaat olduq.
Möminlər isə, Allahın rizasına uyğun həyat sürdükləri üçün, Allah axirət günü onları içində sonsuza qədər qalacaqları, nemətlərlə təchiz edilmiş cənnətlərə sövq edəcək və möminlər cənnət gözətçiləri tərəfindən bu şəkildə qarşılanacaqlar:
Rəbbindən qorxanlar da dəstə-dəstə Cənnətə gətiriləcəklər. Nəhayət, ora çatdıqda onun qapıları açılacaq və onun gözətçiləri onlara deyəcəklər:
“Sizə salam olsun! Xoş sizin halınıza! Əbədi qalmaq üçün buraya daxil olun!”
Xoşbəxtlikləri daha dünyada başlayan möminlər Cənnətə girmələri ilə birlikdə, xoşbəxtliyin və qurtuluşun ən böyüyünə qovuşacaqlar. Allahın özləri üçün hazırladığı cənnətlərdə, Rəbbimizin razılığını, sevgisini və rəhmətini qazanmağın verdiyi xoşbəxtlik və sevinc ilə sonsuza qədər bənzərsiz nemətlər içində yaşayacaqlar ...
