Hz.Məhəmmədin Zəngin Olmaq Üçün Qənimət Ayələrini Yazdığı İddiasına Cavab

Hz. Məhəmməd, Hz. Xədicə ilə etdiyi evlilik vəsiləsi ilə onsuz da çox zəngin və güclü bir kişi idi. Məqsədi zənginlik olan biri, niyə ”infaq, zəkat, sədəqə” kimi ibadətləri şərt qoysun? Xeyirxah görünərək daha çox tərəfdar toplaya bilər deyə bilərsiniz. Bəs niyə Bəqərə surəsi 219. ayəyə görə, ehtiyacdan artıq qalanın hamısını infaq edin desin? Niyə mal yığıb toplamayın desin? Əmr edilən bu sistemdə mallar Allah yolunda xərclənir. Yetimə, yoxsula, yolda qalmışa, yaxın və uzaq qonşuya, qohuma verilsin deyilir. Burada Hz. Məhəmmədin mənfəəti nədir? Halbuki bu ayələr çox adamın nəfsinə ağır gəlir. Və bunu etməkdən qaçınanlar ondan uzaqlaşa bilər və güc itirə bilər bu mənada.

Bir ayədə qənimətlər Allahın və resulunundur deyir. Bir az detala girək… Nebi, peyğəmbər deməkdir və Kitab alan şəxsdir. Resul isə, Nebi ünvanı ilə, o Kitabı insanlara təbliğ etdiyi andakı kimliyidir. Təbliğ vəzifəsini yerinə yetirmədiyi anlarda resul deyil, nebidir. Deməli qənimət deyə bəhs edilən şey, bəşər olan Nebinindir deyilmir ayədə. Allah və resulunun birlikdə keçdiyi ayələri, bu tərifləri nəzərə alaraq araşdırsanız, təbliğ edən vəsfi üzərindən itaətin, qənimətin… Allaha aid olduğu tamamilə aydın anlaşılır. Bəs Allah qəniməti neyləsin? Burada nəzərdə tutulan, mülkün sahibinin Allah olduğudur Allahu aləm. Yerdə və göydə bütün qənimətləri yaradan Allahdır. Və onsuz da Allaha aid olan və qullarına verdiyi sərvətin ehtiyac artığının hamısı, Allahın bildirdiyi şəkildə paylanmalıdır. Əgər resul deyil də Nebi kimliyi ilə peyğəmbərə bir pay olsaydı da, onsuz da ayələrin hökmü gərəyi bu mülkü əlində saxlaya bilməzdi…