Iblisi(shejtani) a është xhin apo engjëll ?
Disa persona që pretendojnë se në tekstin e shenjtë, Kuran, ka kontradiktë, ajetin 34 të sures Bakara e tregojnë si provë të pretendimit të tyre. Sipas pretendimit; “Kurani është një shkrim njerëzor dhe ka kontradiktë në çështjen nëse shejtani është engjëll apo xhin!” (E lartësojmë Kuranin mbi këtë)
Në ajetin 34 të sures Bakara shkruhet kështu;
”Kur Ne u thamë ENGJËJVE: Bëjini sexhde Ademit! Të gjithë bënë sexhde përveç Iblisit. Ai u kthye dhe u mburr me madhështi, kështu u bë nga mohuesit.”
Personat që pretendojnë se në Kuran ka kontradiktë, se në ajet vetëm
Engjëjve u drejtohet fjala, e parashtrojnë dhe prandaj se Iblisi (Shejtani) mund të jetë vetëm engjëll, dhe se sipas ajetit 50 të sures Kehf është shkruar se Iblisi është “ XHIN”, këtë e cilësojnë si kontradiktë. Tani le ta paraqesim situatën para Kuranit dhe të tregojmë se pretendimi është larg sinqeritetit dhe i pabazë.
Meqë ajeti 34 i sures Bakara keqkuptohet në përkthimin turqisht të kuptimit, mendohet se në ajete ka kontradiktë. Në këtë ajet gjendet një përdorim gjuhësor i njohur në arabisht si “arti tağlib”. Sipas artit tağlib, i drejtohet shumicës. Fjala tağlib në arabisht ka kuptimet ta bësh fitues, ta bësh më të lartë. Arti tağlib: është që nga dy gjëra mbi të cilat do të bëhet tağlib, njëra të preferohet ndaj tjetrës dhe fjala e asaj që është preferuar prej tyre të përdoret për të dyja.
Pas këtij informacioni, le të shohim cilësitë e engjëjve të treguara në Kuran. Në ajetet Nahl 49-50 dhe Tahrim 6 njoftohet; se engjëjt nuk mburren me madhështi ndaj Allahut dhe i zbatojnë të gjitha urdhrat që vijnë nga Zoti i tyre.
“Çdo qenie e gjallë që ndodhet në qiej dhe në tokë dhe ENGJËJT, PA U MBURRUR ME MADHËSHTI, I BËJNË SEXHDE ALLAHUT. I frikësohen Zotit të tyre që është mbi ta DHE BËJNË ATË QË U URDHËROHET (Surja Nahl, 49-50)
O ju që keni besuar! Ruajeni veten dhe të afërmit tuaj nga zjarri, lënda djegëse e të cilit janë njerëzit dhe gurët; mbi të janë ENGJËJ shumë të ashpër e të fortë. NUK I KUNDËRVIHEN ALLAHUT PËR ATË QË U KA URDHËRUAR dhe ZBATOJNË ATË QË U URDHËROHET (Surja Tahrim, 6)
Përveç kësaj, edhe nga ajetet 11 dhe 12 të sures Araf kuptohet lehtë se Iblisi nuk mund të jetë engjëll.
”Betohem, ju krijuam, pastaj ju dhamë formë, pastaj u urdhëruam engjëjve: Bëjini sexhde Ademit! Bënë sexhde të gjithë përveç Iblisit. Ai nuk qe nga ata që bënë sexhde.”
”Allahu tha: Ndërsa unë të urdhërova, çfarë të pengon të bësh sexhde? (Iblisi) tha: Unë jam më i lartë se ai. Sepse mua më krijove nga zjarri, ndërsa atë e krijove nga balta.”
Shikoni, në ajetin e parë, midis fjalës drejtuar engjëjve është edhe iblisi. Në ajetin menjëherë pas, duke vazhduar për këtë çështje, kuptohet se iblisi është i ndryshëm nga engjëjt. Pra, është haptazi e dukshme se Allahu, kur u drejtohet engjëjve, është i vetëdijshëm se iblisi nuk është engjëll. Përveç kësaj, vini re se, edhe pse është ajeti pasardhës, në ajetin 11 fjalia nuk ka mbaruar. Sepse ajeti 12 fillon drejtpërdrejt me “Allahu tha” (Kâle).
Një provë tjetër se iblisi nuk është engjëll është ajeti 50 i sures Kehf. Në ajet shkruhet haptazi se iblisi është xhin.
“Kur u thamë engjëjve: ‘Bëjini sexhde Ademit’; (të tjerët) kishin bërë sexhde përveç Iblisit. AI ISHTE NGA XHINËT, kështu ai kishte dalë nga urdhri i Zotit të tij.
Përfundim
Ndërsa në ajetin 34 të sures Bakara thirret ”engjëjve”, nga fakti që midis këtyre të cilëve u drejtohet thirrja është edhe iblisi, nuk mund të arrihet në përfundimin se edhe iblisi është engjëll, sepse sipas artit të quajtur tağlib në arabisht nuk ka nevojë të përmendet pakica. Prandaj nga ky ajet nuk kuptohet se iblisi është engjëll. Si rrjedhim, ky ajet nuk bie në kundërshtim me ajete të tjera.