Ajo që përmendet në suren Tarik, sperma apo njeriu?

Sipas këtij pretendimi, thuhet se në shprehjen që gjendet në ajetin 7 të sures Tarik sperma del nga mesi i brinjëve dhe i shtyllës kurrizore, por kjo bie në kundërshtim me shkencën. Sepse shkencërisht dihet se sperma prodhohet në testikuj. Së pari le të shohim ajetet për këtë çështje dhe pastaj të diskutojmë mbi to. Ajetet në suren Tarik janë këto:

Në ajetin 5, Allahu pyet nga çfarë u krijua njeriu. Në ajetin 6 thotë se ai u krijua nga sperma që derdhet e hidhet. Në ajetin 7 shprehet se ai del nga mesi i shtyllës kurrizore dhe i brinjës. Edhe pse ka nga ata që thonë se ajo që del në ajetin 7 është sperma, këtu ajo që thuhet është dalja e njeriut. Pra, vendi i përshkruar mes shtyllës kurrizore dhe brinjës është vendi ku formohet foshnja në barkun e nënës. Në ajetin pasardhës përemri “ai” që shkon te njeriu është e qartë. Nëse shihet me kujdes ajeti 8, shihet se me shprehjen “ka fuqi ta kthejë atë përsëri” flitet se njeriu do të krijohet përsëri pas vdekjes. Pra, shprehja “ai” këtu është njeriu. Kështu sqarohet se edhe në ajetin 7 ajo që thuhet si “ai që del” është njeriu.

Në shprehjen e ajetit 7 është menduar se ajo që del është sperma dhe është përpjekur të shpjegohet në këtë mënyrë.

Sigurisht, edhe kjo duket sikur bie në kundërshtim me të vërtetat shkencore të sotme. Ndërsa, kur lexohet me kujdes rrjedha e ajetit, kuptohet se këtu ajo që del nga mesi poshtë i brinjëve dhe i shtyllës kurrizore është njeriu. (Zona e përshkruar këtu duhet të bjerë nga lart poshtë. Kur mendohet vendi ku është brinja dhe zona ku është shtylla kurrizore, vendi i përshkruar bëhet zona që mbetet mes këtyre të dyjave, nga lart poshtë, ku janë stomaku dhe zgavra e barkut) pra zona ku formohet foshnja në barkun e nënës. Prandaj, nuk bëhet fjalë që ky ajet të bjerë në kundërshtim me shkencën.

Mendimi ynë është si më sipër. Megjithatë disa komentatorë, për shembull Kurtubi, thotë se përemri i fshehtë në foljen “del” në ajetin 7 të sures Tarik tregon ujin; por është e mundur që përemri të tregojë edhe njeriun. Teksti përkatës është ky: فالضمير في {يخرج} للماء. ومن جعله من بين صلب الرجل وترائب المرأة، فالضمير للإنسان. Përemri në “Yahrucu” është për ujin. Kush e llogarit atë nga shtylla kurrizore e burrit dhe nga brinjët e gruas, atëherë përemri është për njeriun.

Gjithashtu, duke përcjellë edhe një mendim të atyre që nga ajeti kuptojnë daljen e “spermës”, duam ta ndajmë me ju, lexuesit tanë: “Sperma, siç e dimë, formohet në testikuj. Testikujt zhvillohen nga Mesonephros. Mesonephros-et, kur janë në barkun e nënës, ndodhen në anën e djathtë dhe të majtë të foshnjës, mes shtyllës kurrizore dhe eshtrave të brinjëve. Para se të lindë foshnja, Mesonephros-et shndërrohen në testikuj dhe zbresin në qeskën e testikujve përmes kanalit të quajtur kanali inguinal. Madje, në raste të rralla, disa fëmijë mund të lindin pa u zbritur testikujt. Në përmbledhje, testikujt që prodhojnë spermën formohen në fazën e parë mes shtyllës kurrizore dhe brinjës, pastaj zbresin poshtë.”