Kush janë ato që ‘Ende’ nuk kanë pasur menstruacione në suren At-Talaq 4 ?
Disa njerëz me pikëpamje të devijuara, duke kërkuar prova nga Kurani për devijimin e tyre dhe duke nxjerrë dispozita të sforcuara, u kanë turbulluar mendjen njerëzve. Ata që e bëjnë këtë si gabim, sigurisht i përjashtoj. Po të kushtohet vëmendje, të gjithë komentuesit janë burra. Në përkthimet e bëra nga mentaliteti që daljen jashtë të gruas shtatzënë e cilëson si paedukatë, gruaja është hedhur në plan të dytë dhe me shtesa të vogla që e ndryshojnë plotësisht kuptimin është ngritur një sistem i dominuar nga burrat. Allahu, që çdo hollësi e njofton në Kuran, kundër personave me këtë mentalitet i ka paralajmëruar muslimanët në ajetin 78 të sures Ali Imran.
Prej tyre ka të tillë që i përkulin dhe i shtrembërojnë gjuhët e tyre drejt librit, që ju ta (këtë që duken se e lexojnë) mendoni nga libri. Por ajo nuk është nga libri. Thonë: “Kjo është nga pranë Allahut”. Por ajo nuk është nga pranë Allahut. Ndonëse e dinë edhe vetë, thonë gënjeshtër (të tillë) kundër Allahut. (Surja Ali Imran, 78)
Një nga ajetet që i shërbejnë këtij sistemi dhe ku fjalët që japin shkak për keqkuptim janë shtuar me dashje ose pa dashje, duke u bërë shkak për ngatërrimin e mendjeve, është ajeti 4 i sures At-Talaq. Së pari le ta shohim përkthimin tradicional të këtij ajeti;
“Iddah-u (koha e pritjes) e atyre nga gratë tuaja të cilave u janë ndërprerë tashmë menstruacionet dhe e atyre që — ende — nuk kanë pasur menstruacione, -nëse bini në dyshim (dijeni se)- është tre muaj. Koha e pritjes së grave shtatzëna ndërsa (mbaron) me lënien e barrës së tyre. Kushdo që i frikësohet Allahut dhe ruhet, (Allahu) i tregon një lehtësim në punën e tij.” (Surja At-Talaq, 4)
Për çfarëdo arsye, fjala “ende”, që nuk është në origjinal, i është shtuar ajetit nga zeroja. Edhe kjo shtesë e vockël e ka ndryshuar plotësisht kuptimin. Kur thuhet “që ende nuk ka pasur menstruacione” në mendje vjen vetëm një gjë. Ajo është: fëmijët që ende nuk kanë pasur menstruacione sepse nuk kanë arritur pubertetin! Por gjendja është ndryshe.
Për të thënë dot që ende nuk kanë pasur menstruacione, në ajet duhet të gjendej fjala “ellaaiii lemma yahıdne”. Por në ajet gjendet shprehja “lem yahıdne”.
Lem: Jep kuptimin nuk do të ndodhë kurrë, ose nuk ka ndodhur.
Lemma: Jep kuptimin ende nuk ka ndodhur, por do të ndodhë.
Mentaliteti i njohur, për të penguar daljen në shesh të këtyre të vërtetave, mori gjithashtu çdo masë që do t'i largonte njerëzit nga Kurani. Thanë: “Kuranin ju nuk mund ta kuptoni, e kuptojnë dijetarët.”, “Mos e lexoni Kuranin në turqisht. Kurani zbriti në arabisht, nëse e lexoni në gjuhën origjinale, e keni lexuar Kuranin”. Duke thënë se Kuranin nuk mund ta lexoni pa abdes, duhet ta mbani mbi belin tuaj, kur lexoni Kuranin duhet ta mbuloni kokën… ndonëse nuk kishte asnjë provë kuranore, i penguan njerëzit ta lexonin Kuranin kurdo që të dëshironin. Kuranin, për respekt, e futën në këllëf dhe e varën në vende të larta, duke e bërë të paarritshëm. Edhe njerëzit që u larguan nga Kurani, të pavetëdijshëm për këtë Libër për të cilin janë përgjegjës dhe për të cilin është urdhëruar të mendojnë, duke i marrë për Islam besëtytnitë që hoxhallarët e njohur imponuan si fe, u zhytën në shirk… Kur njerëzve që e morën këtë sugjerim u thoni dispozitën e vërtetë të ajetit, arritën në atë gjendje sa të mos i japin rëndësi ajetit dhe të ngulin këmbë në ato që mësuan nga hoxhallarët dhe nga të parët e tyre. Allahu gjendjen e këtyre personave e deshifron kështu në suren Al-Baqara 170;
Sa herë që u thuhet: “Ndiqni atë që zbriti Allahu (Kuranin)”, ata thonë: “Jo, ne ndjekim atë mbi të cilën i gjetëm të parët tanë (traditën)”. (Mirë) Po sikur mendja e të parëve të tyre të mos arrinte në asgjë dhe të mos e kishin gjetur as rrugën e drejtë? (Surja Al-Baqara, 170)
Pas kësaj shtese të shkurtër, le të vazhdojmë ta shqyrtojmë ajetin 4 të sures At-Talaq. Në ajet thuhet se koha e pritjes e grave të cilave u janë ndërprerë menstruacionet, domethënë që kanë hyrë në periudhën e menopauzës, është 3 muaj. Cila është arsyeja e pritjes 3 muaj? Të kuptohet nëse gruaja është shtatzënë apo jo. A mund të mbetet shtatzënë fëmija që nuk ka menstruacione? Jo. Atëherë nuk ka nevojë as të presë 3 muaj. Gruaja që mbetet shtatzënë nuk ka menstruacione. Por që të kuptohet se është shtatzënë duhet kohë. Për gratë që janë në këtë gjendje, koha e pritjes është gjithashtu 3 muaj. Ato shtatzënia e të cilave është e sigurt presin deri në lindje.
Shprehja “vellai lem yahidne”, që në përkthime përkthehet vajza që nuk kanë pasur menstruacione, nga ana mjekësore është gjendja që quhet “sekonder amenore”. Domethënë shpreh gratë që nuk kanë menstruacione sepse rregullsia e menstruacioneve është prishur (që, ndonëse normalisht kanë menstruacione, për arsye të ndryshme nuk kanë menstruacione në një periudhë që zgjat 3 muaj ose më shumë).
Për më tepër, fjala “Nisa” që gjendet në ajet është një fjalë që në Kuran përdoret për gratë e rritura. Nëse personi që nuk ka menstruacione do të ishte fëmijë, atëherë duhej të gjendeshin fjalët ” Vildan, Veled, Benat…”. Por në ajet gjendet fjala “Nisa” me të cilën përkufizohen gratë e rritura. Dhe përkthimi i saktë që duhet të jetë është si më poshtë.
“Nëse jeni në mëdyshje për iddah-un e atyre nga gratë tuaja të cilave (duke hyrë në periudhën e menopauzës) u janë ndërprerë menstruacionet, koha e iddah-ut të tyre është tre muaj. Edhe koha e atyre që nuk kanë menstruacione është kështu. Iddah-u i grave shtatzëna mbaron kur të lindin fëmijët e tyre. Kushdo që e respekton Allahun dhe ruhet nga kundërvënia ndaj Tij, Allahu i jep një lehtësim në punën e tij.” (At-Talaq, 4)
Për më tepër në ajetin 3 të sures Al-Ikhlas “Lem yelid ve Lem yuled”
Nuk qe aktiv në lindje /nuk injektoi spermë dhe nuk u lind
Në atë ajetin 3 të ikhlas, ku gabimisht thuhet nuk lindi dhe nuk u lind, a ka pjesëza “Lem” kuptimin ENDE?
Pra Allahu; (Zoti na ruajt) pas Pejgamberit Muhamed u bë baba apo u bë fëmijë / e lindi dikush?
Apo Allahu në çdo rast është një qenie që bën të lindë dhe që lindet?
Si përfundim: Në Kuran mosha e nikahut është njoftuar në ajetin 6 të sures An-Nisa. “Provojini jetimët deri në moshën kur do të arrijnë nikahun; nëse shihni tek ata një pjekuri (rüşd), menjëherë jepuni pasurinë e tyre…” (Surja An-Nisa, 6) Nëse e lexoni me kujdes ajetin, thotë provojini jetimët ”deri në moshën kur do të arrijnë nikahun”, nëse shihni tek ata një ”pjekuri” jepuni pasurinë e tyre.
Mehri, në të Drejtën Islame, është paraja ose pasuria që burri i jep gruas kur martohet. Mehri nuk i jepet familjes së gruas, por drejtpërdrejt gruas. Sipas ajetit të mësipërm, mosha e dorëzimit të pasurisë te pronari është mosha kur ai person mund ta kontrollojë pasurinë e vet. Prandaj gruaja që merr mehrin duhet të jetë në një moshë kur mund ta kontrollojë këtë pasuri ose para. Për më tepër në ajet, si për gruan ashtu edhe për burrin gjendet fjala “rüşd”. Kjo do të thotë “aftësia për të gjetur rrugën e drejtë”. Një fëmijë i vogël ndoshta me vështirësi gjen edhe rrugën e shtëpisë. Shkurt, mosha e nikahut në Kuran dhe mosha e nikahut në kodin civil përputhen plotësisht. Pretendimi i kundërt është devijim. Askush të mos kërkojë prova nga Kurani për devijimin e vet!