A është Qabeja një vend i sigurt? Si duhet ta kuptojmë ajetin për këtë çështje?
Pretendimi:
Kurani njofton se Qabeja është e sigurt. Por ne e dimë se herë pas here ka qenë e ekspozuar ndaj fatkeqësive si përmbytja. Meqenëse ka qenë e ekspozuar ndaj përmbytjes ose mund ta godasë rrufeja, ajeti në fjalë që thotë se Qabeja është e sigurt është kontradiktor. Kjo tregon se Kurani (Zoti na ruajt) nuk është fjalë e Allahut.
Përgjigjja:
Ajeti në fjalë është ajeti 97 i sures Ali Imran. Në këtë ajet shkruhet kështu:
Transkriptimi turqisht i ajetit:
Fîhi âyâtun beyyinâtun makâmu ibrâhîm(ibrâhîme), ve men dahalehu kâne âminâ(âminen), ve lillâhi alen nâsi hiccul beyti menistetâa ileyhi sebîlâ(sebîlen), ve men kefere fe innallâhe ganiyyun anil âlemîn(âlemîne).
Zbërthimi i ajetit fjalë për fjalë:
- fîhi: atje
- âyâtun: ajete, prova, dëshmi
- beyyinâtun: beyyine të qarta
- makâmu ibrâhîme: makami i Pejgamberit Ibrahim
- ve men: dhe kushdo (…të jetë)
- dahale-hu: hyri atje
- kâne: u bë (bëhet)
- âminen: në siguri, i sigurt
- ve li allâhi: dhe për Allahun
- alâ en nâsi: mbi njerëzit (përgjegjësi mbi ta)
- hiccu el beyti: kryerja e haxhit në beyt
- men istetâa: ai që ka fuqi
- ileyhi: drejt tij
- sebîlen: rrugë, gjetje e rrugës
- ve men: dhe kushdo
- kefere: mohoi
- fe inne allâhe: atëherë, tashmë me siguri Allahu
- ganiyyun: është gani, nuk ka nevojë për asgjë
- an el âlemîne: nga botët
Përkthimi i kuptimit të ajetit:
Aty ka shenja të qarta: është vendi i qëndrimit të Ibrahimit (kundër idhujtarisë). Kush hyn aty është në siguri. Ata nga populli që kanë mundësi për udhëtim janë të detyruar ta kryejnë haxhin për ALLAHUN në atë Shtëpi (Qabe). Kush mohon, le ta dijë se ALLAHU nuk ka nevojë për askënd.
Kur ta kuptojmë plotësisht se çfarë është koncepti AMİNEN, që gjendet në ajet dhe ka kuptimin SIGURI, në fakt do ta kuptojmë edhe sa mbi themele të dobëta është pretendimi. Në fund të fundit, kundërshtime të këtij lloji janë vetëm përçartjet e personave që mendojnë vetëm me logjikën TURQISHT dhe nuk ua shkon mendja te kuptimi tjetër i fjalës.
Se çfarë kuptimesh ka fjala ”aminen” e përdorur në këtë ajet, do të kuptohet më mirë kur të shohim ajetet e tjera të Kuranit ku gjendet e njëjta fjalë. Kjo fjalë në Kuran në këtë formë gjendet plot 6 herë.
Se çfarë synohet me fjalën ”aminen”, të përdorur këtu për sigurinë/mbrojtjen, kuptohet shumë lehtë në dy ajete nga këto 6 ajete.
Për shembull, le të shohim ajetin 40 të sures Fussilet:
Arabisht (kushtojini vëmendje fjalës aminen):
(İnnellezîne yulhıdûne fî âyâtinâ lâ yahfevne aleynâ, e fe men yulkâ fîn nâri hayrun em men ye’tî AMİNEN yevmel kıyâmeh)
Përkthimi i kuptimit:
”Ata që shmangen nga e vërteta dhe devijojnë në mohim lidhur me ajetet tona nuk na mbeten të fshehtë. Atëherë, a është më mirë ai që hidhet në zjarr, apo ai që vjen tek ne në SIGURI në ditën e kiametit?”
Në këtë ajet kuptohet shumë lehtë në cilin kuptim është përdorur siguria. Në fjalë nuk është një siguri fizike. Në fjalë është një siguri e ahiretit. Ai që shkon në Qabe shkon për hir të kënaqësisë së Allahut dhe ai që është në rrugën e Allahut është i sigurt. Vdekja apo çfarëdo dëmi fizik nuk mund t’i shkaktojë këtij personi asnjë dëm të përhershëm.
Një ajet tjetër që e sqaron çështjen është ajeti 35 i sures Ibrahim. Në këtë ajet përcillet lutja e Pejgamberit Ibrahim:
Arabisht:
(Ve iz kâle ibrâhîmu rabbic’al hâzel belede AMİNEN vecnubnî ve beniyye en na’budel asnâm)
Përkthimi i kuptimit:
Kujtoni kur Ibrahimi tha: ”Zoti im, bëje të sigurt këtë vendbanim (qaben dhe rrethinën e saj), më mbro mua dhe fëmijët e mi nga adhurimi i idhujve.”
Në këtë ajet kuptohet se me sigurinë synohet të qenët në rrugën e drejtë. Pejgamberi Ibrahim dëshiron që qabeja dhe rrethina e saj të jetë vendbanimi i njerëzve që e kanë shpëtuar ahiretin e tyre (që janë të sigurt).
Përveç kësaj, në fjalorët klasikë të arabishtes shkruhet se kjo fjalë ka edhe kuptime si ”mbrojtje nga frika” dhe ”mbrojtje nga e keqja”. (shih: fjalori klasik i arabishtes ”Lane’s lexicon”, vëllimi 1, faqe 101)
Siç e patë, fjala siguri mund të përdoret në shumë kuptime. Ta kufizosh fjalën siguri në një kuptim të caktuar dhe të thuash se Kurani është i gabuar është kulmi i marrëzisë.
Në fund të fundit, të thuash se Qabeja fizikisht në asnjë mënyrë nuk do t’i ekspozohet një fatkeqësie, nuk do të pësojë përmbytje dhe rrufe, bie ndesh edhe me sekretin e provimit. Allahu sigurisht është i fuqishëm për gjithçka. Ai mund ta mbronte Qaben ose çfarëdo vendi që do edhe fizikisht dhe këtë mund ta kishte njoftuar veçan në fjalën e vet, por Sunetullahu nuk funksionon në këtë mënyrë dhe njerëzit i nënshtrohen provimit pa iu marrë arsyes vullneti i lirë.