A është Merjemja motra e Pejgamberit Harun?

Kurani është me siguri fjala e Allahut, është një Libër i mbrojtur dhe është shpjeguar nga vetë Allahu (Surja Hud, 1) Në të nuk ka asnjë kontradiktë dhe papërshtatshmëri. Pretendimet për kontradikta të sjella nga personat që nuk besojnë në Kuran janë tema që na bëhen shkak të besojmë me një pranim edhe më të fortë se Kurani është fjala e Allahut. Pretendimet e sjella për kontradikta janë plot me prova shumë sipërfaqësore dhe të kalbura. Njëri prej tyre është ai që lidhet me Merjemen, e cila në Kuran njoftohet si “grua shembull për botët”.
Në ajet: “O motra e Harunit, babai yt nuk ishte njeri i keq dhe nëna jote nuk ishte (grua) e shfrenuar, e paturpshme.” (Surja Merjem, 28) thuhet. Për Merjemen përdoret shprehja “O motra e Harunit”. Ajo që mendohet si kontradiktë është pikërisht kjo, pra mendimi se Merjemja është motra e Pejgamberit Harun. Haruni, vëllai i Pejgamberit Musa, ka jetuar rreth 1200 vjet para Merjemes, dhe si ka mundësi që të dy të cilësohen si vëlla e motër?

Duke thënë “O motra e Harunit”, është përshkruar personi “që vjen nga pasardhësit e Harunit”. Te personat që i lexojnë këto ajete krijohet kjo përshtypje. Pejgamberi Harun përfaqëson hebraizmin dhe është një person nga pasardhësit e Beni Israilit, ndërsa Merjemja e krishterë, si ka mundësi të cilësohen si vëlla e motër.

Aq sa Pejgamberi Harun është nga pasardhësit e Beni Israilit, po aq edhe Merjemja është nga pasardhësit e Beni Israilit. Duke qenë se Merjemja është nëna e Pejgamberit Isa, harrohet ose nuk vihet re se edhe ajo është nga Beni Israili. Ajo që synohet në ajet është se këta dy persona vijnë nga e njëjta prejardhje dhe se e vazhdojnë moralin e pejgamberëve. Siç e pranonin edhe personat që jetonin në të njëjtën kohë me të, Merjemja, me ndershmërinë, besimin dhe dëlirësinë e saj, ishte një grua shembull për të gjitha shoqëritë. Flitet për një reagim që dhanë njerëzit, të habitur që Merjemja mbeti shtatzënë pa baba dhe me mendimin se ajo kishte bërë paturpësi, me kuptimin “si një person që vjen nga një prejardhje kaq e bekuar, si ka mundësi të bësh një gjë të tillë”. Duke iu referuar prejardhjes dhe moralit të pejgamberëve, ata përdorin shprehjen “motra e Harunit”. Prandaj këtu nuk ka asnjë kontradiktë, ajo që synohet është prejardhja dhe morali i pejgamberëve. Edhe rrëfimi i përgjithshëm në Kuran është në këtë drejtim. Pejgamberët u janë dërguar shoqërive të tyre si “vëllezërit e tyre”, kjo shprehje “vëllezërit e tyre” këtu është sepse janë nga e njëjta prejardhje.