Sa kohë pret iddah një grua që i ka vdekur burri?

Disa dispozita lidhur me gjendjen e një gruaje që i ka vdekur burri njoftohen në Kuran. Pretendohet se në ajetet ku njoftohen dispozitat për këtë çështje ka një kontradiktë. Në njërin nga këto ajete flitet për një periudhë një vjeçare, ndërsa në tjetrin flitet për një periudhë katër muaj e dhjetë ditë. Ndonëse ndryshimi i periudhave përpiqet të paraqitet si kontradiktë, kur shikohen çështjet e treguara në ajete, shihet se nuk ka kontradiktë. Sepse arsyeja e ndryshimit të periudhave vjen nga fakti që për gratë e ve janë njoftuar periudha të ndryshme për çështje të ndryshme. Ajetet për këtë çështje janë si vijon:

Bashkëshortet që lënë pas burrat tuaj që vdesin, presin katër muaj e dhjetë (ditë). Kur ta plotësojnë afatin e tyre, nuk keni më përgjegjësi që ato të bëjnë atë që është e përshtatshme për to. Allahu është i Informuar për atë që bëni. (Surja Al-Baqara, 234)
Çështja e njoftuar në ajetin 240 të sures Al-Baqara është njoftimi se gratë e ve kanë të drejtë të qëndrojnë një vit në shtëpinë e burrave të tyre. Pas vdekjes së burrit, në ndarjen e trashëgimisë, shtëpia e burrit mund t'u ketë mbetur si trashëgimi personave të ndryshëm. Në këtë rast gruaja ka të drejtë të banojë një vit në këtë shtëpi. Për më tepër, duhet t'i sigurohet edhe jetesa. Në ajetin 234 të sures Al-Baqara ndërsa urdhërohet që gratë që u kanë vdekur burrat të presin katër muaj e dhjetë ditë dhe të mos martohen gjatë kësaj periudhe. Rrjedhimisht, shihet se në dy ajetet njoftohet dispozitë për dy gjendje të ndryshme për gruan. Kur ajetet shqyrtohen me kujdes sipas çështjeve të tyre, është e qartë se nuk ka kontradiktë.