Përgjigje ndaj pretendimit të Edip Yüksel “Dy ajetet e fundit të sures At-Teube i janë shtuar Kuranit më vonë”

Edip Yüksel parashtron një pretendim se 2 ajetet e fundit të sures At-Teube i janë shtuar Kuranit më vonë, se sistemi 19, duke e ruajtur Kuranin, këto 2 ajetet e fundit nuk i përshtaten sistemit 19 dhe se për shkak të kundërthënies së transmetimeve për këtë çështje këto dy ajete nuk i përkasin Kuranit.

Edip Yüksel që parashtron këtë pretendim, ndonëse nuk i pranon transmetimet, kur bëhet fjalë për dy ajetet e fundit të sures At-Teube në fjalë, duke i marrë parasysh transmetimet dhe duke i treguar si provë, bie në kundërshtim me veten.

Përveç kësaj, Kurani është shpallje e Allahut, nuk ka ardhur deri në ditët tona me transmetime. Kurani u bë Libër në kohën e Pejgamberit Muhamed. Të gjitha ajetet e Kuranit tregojnë gjithashtu këtë. Ndërsa që Edip Yüksel, i cili e di këtë të vërtetë, për dy ajetet e fundit të sures At-Teube (ose për sistemin 19) ta shpërfillë këtë gjendje, është një sjellje larg sinqeritetit.

Në Kuran nuk ka vetëm mrekullinë e 19-ës, por shumë mrekulli matematikore, kuptimore, jetësore dhe shkencore të një lloji që nuk mund të dihej para 1400 e ca vjetësh. Nuk ka asnjë shprehje që bie në kundërshtim me shkencën e provuar me eksperiment. Përveç kësaj, në 2 ajetet e fundit të sures At-Teube ka një masë të veçantë të 19-ës.

PROVA HISTORIKE

Shembulli më i vjetër i njohur i Kuranit është MUS'HAFI I SANASË, i gjetur në Jemen në depon e xhamisë së Sanasë dhe i njohur me të njëjtin emër. Kur shqyrtohet ky mus'haf, për të cilin është provuar me testin e karbonit se u përket më së shumti 27 vjetëve pas datës së njohur të vdekjes së Pejgamberit Muhamed, shihet QARTË se është në përputhje të plotë me Kuranin e sotëm. Kurrë, përveç një apo dy gabimeve drejtshkrimore dhe kaligrafësh, NUK KA asnjë ndryshim ose dallim dhe, në kundërshtim me pretendimin e disave, edhe surja At-Teube është E PLOTË dhe pa gabime. Siç shihet edhe në shpjegimin me fotografi, dy ajetet e saj të fundit (ajetet 128 dhe 129) lexohen të plota dhe pa mangësi.

Gjithsesi Allahu në librin e Tij të lartë ka dhënë garanci se Ai do të ruhet dhe që në fillim është e qartë se nuk do të ndeshet me një rezultat tjetër.

Nuk ka nevojë për ide të tilla të sforcuara, si ajo që bën Edip Yüksel. Kurani, ku përveç mrekullisë së 19-ës ka qindra mrekulli matematikore dhe letrare, është si dita e parë kur u shpall. Tek Ai nuk është bërë shtim dhe prej tij nuk është bërë pakësim.

Ky mus'haf, i datuar aq herët sa ndikimi i burimeve jashtë Kuranit për të cilat ankohen gjithmonë ende nuk kishte ekzistuar, iu përgjigj edhe këtij pretendimi të rëndë. Tashmë ajo që i takon Edip Yüksel është të heqë dorë nga ky pretendim i tij dhe të bëjë teube në dritën e shkencës. Të përmbushë atë që kërkon të qenit njeri i virtytshëm.