Ay Kultu İddiası

Bu iddianın ilk çıxış nöqtəsi İslama tənqid gətirmək istəyən bəzi fanatik xristianlardır. İslam dinini qaralama işi ilə bu iddiaları ortaya atırlar. Buna görə Allah adı, Quranın gəlməsindən əvvəl də var idi. Ərəblər, İslam dinindən əvvəl də Allahı bilirdilər. Bu iddiaya görə Allah, yəni “El- İlah” Ay tanrısının adı idi. İslam inancı da Ay kultundan gəlirdi. Bu iddiaların işığında digər səmavi dinlərlə heç bir əlaqəsinin olmadığını, arxeoloji tapıntılarda tapılmış bəzi qabartma şəkilləri özlərincə dəlil kimi irəli sürürlər.

Bu iddiaların hamısı açıq bir təhrifdir. Ətraflı araşdırıldıqda bu sözlərin həqiqi bir əsasının olmadığı ortaya çıxacaq. İndi maddə-maddə bu iddialara baxaq:
Ərəblərin İslamdan əvvəl Allah inancına sahib olduğu fikri yeni bir kəşf deyil. Peyğəmbərimizin atasının adı elə “Abdullah” (Allahın qulu) dır. İslam dinindən əvvəl də Allah anlayışının ərəblər tərəfindən bilindiyi həqiqəti Quranda da bir çox ayədə ifadə edilir. Bunlardan biri belədir:

Bu ayədən də anlaşıldığı kimi, peyğəmbərimizin dövründə müşriklər Allahı bilirdilər; amma “Bütlərə bizi Allaha yaxınlaşdırsın deyə sitayiş edirik.” deyirdilər. Onlar da Allahı tamamilə bir inkar söhbəti yox idi. Yalnız bəzi bütləri ona şərik qoşurdular. Allah inancı, İslamdan əvvəlki digər haqq dinlərdən gəlir. İslam dininin ilk gəldiyi dövrdə İbrahimin gətirdiyi “Hanef” dini də bu mühitdə mövcud idi. Bu din degenerasiyaya uğradılsa da, ilk başdan bəri mövcud olan bir çox ibadəti və inancı ana xətləri ilə qorumağı bacarmışdılar. Ona görə də İslamdan əvvəl də Allah inancı və həcc, namaz, oruc kimi ibadətlər pozulsa da, hələ də mövcud idi. Beləliklə, İslam gəldikdə bu anlayış və ibadətləri onlardan almamış, əksinə, onları ilk dəfə insanlara buyuran Allah, yanlış edilən tətbiqləri düzəldərək yenidən Hz. Məhəmməd vasitəsilə bildirmişdir.

Bu mövzuda dəlil kimi göstərilməyə çalışılan arxeoloji tapıntılar da qəsdən təhrif edilir. Bu tapıntılar Məkkə bölgəsində deyil, oradan çox daha uzaq olan cənubi Ərəbistan bölgəsində tapılmışdır. Bu tapıntılar qəsdən Şimali Ərəbistanda tapılmış kimi göstərilməyə çalışılır. Bunların Məkkə bölgəsində yaşayan ərəblərlə heç bir əlaqəsi yoxdur.

Ay tanrısı arxeoloji tapıntılarda “Sin” kimi keçir. Allah (el-ilah) sözünün ay tanrısı olduğu iddiasını dəstəkləyəcək heç bir sübut yoxdur. Buna baxmayaraq, bu cür iddialarda bir neçə şəkil qoyub altına belə bir şərh yazaraq Ay tanrısının Allah olduğunu iddia edirlər.

Əgər bunun mənşəyi bir az araşdırılsa, əsassız bu iddiaların fanatik din düşmənlərinin vəhmi olduğu ortaya çıxacaq. Məscidlərin günbəzində ay simvolunun olması Ay kultunun bir davamı olduğunun dəlili kimi təqdim edilir. Bu da olduqca dəstəksiz bir iddiadır. Məscidlərin günbəzinə ay simvolunun qoyulması Peyğəmbərimizin dövründə işlədilən bir simvol deyil. Hətta xəlifələr dövründə də işlədilməmişdir. Bu adəti ilk edənlər Əməvilər də olmamışdır. Bu adət ilk dəfə ərəblər tərəfindən deyil, türklər tərəfindən tətbiq edilmişdir. Alparslan 1064-cü ildə Anini fəth edəndə məscidə çevrilən kafedralın günbəzindəki böyük xaçı endirilib yerinə böyük bir hilal qoydurmuşdur.

Və bundan sonra bu tətbiq ənənəyə çevrilmişdir. Həmçinin ay simvolu İslamdan əvvəlki türk cəmiyyətinə aid bir simvoldur. Ən son aparılan qazıntılarda tapılan sikkələr, ay simvolunun İslamdan əvvəl türklər tərəfindən işlədildiyini və bir türk adəti olduğunu ortaya qoyur. İslamdan əvvəlki Göytürklərə aid sikkələr Qırğızıstanda aparılan qazıntılarda tapılmışdır. Bu sikkələrdə gözə çarpan bir nöqtə də bunlarda ay simvolunun işlədilmiş olmasıdır.

Müsəlmanların ay təqvimindən istifadə etməsinin yenə Ay kultu ilə əlaqəsi yoxdur. İslam gəldikdə mövcud olan təqvim budur. Və müsəlmanlar da bunu işlətmişlər. ‘’Müsəlmanlar sonradan bu təqvimə keçmişlər’’ kimi bir iddianın heç birinin əsası yoxdur. Bu mövzuda ən açıqlayıcı nöqtə isə Allah sözünün mənşəyi ilə bağlıdır. Allah sözü “El-İlah”dan gəlir. “El” şəkilçisi ingiliscədəki “the” kimidir. Allah (El- İlah) “The God” mənasını verir. Yəni Allah El- İlah müəyyən bir ilahdır. Bu söz yalnız ərəb dilində yoxdur. Ərəb dilinin mənsub olduğu sami dillərində də bu söz vardır. Məsələn, ibranicədə “Elohim” ( Tanrı) sözü bu kökdən gəlir. Həmçinin yenə eyni dil ailəsindən gələn və Hz. İsanın ana dili olan aramicədə də eyni söz vardır. Həm də ərəb dilindəki “İlah” sözü ilə eyni sözdür. Oxunuşu da eynidir.

Bu həqiqət fanatik xristianların iddialarını tamamilə boşa çıxarır. Əgər El-İlah ay tanrısıdırsa, Hz. İsa da bu tanrıya inanırdı. Ona bu adla dua edirdi. Belə bir şey söz mövzusu deyil. Hz. Məhəmmədin səsləndiyi Allah ilə Hz. İsanın səsləndiyi Allah eyni idi. Və O, hər şeyin yaradıcısı olan, eşi və bənzəri olmayan uca Allahdır. Beləliklə, bu iddianı edən fanatik xristianlar bilmədən özləri özlərini yalanlayırlar. Öz dinlərini bilmədən, aramicədə tanrının nə demək olduğundan xəbərləri olmadan, İsanın danışdığı dilin fərqində olmadan bu həqiqətə uyğun olmayan iddianı söyləmişlər.

Bu tip işlər yuxarıda da dediyimiz kimi, çox az da olsa, bəzi fanatik xristianlar tərəfindən ortaya atılmışdır. Müstəqil alimlər bu iddialara dəstək vermirlər. Bu mövzuda Türkiyədə bəzi ateist çevrələrin bu fikrə dəstək olmasının səbəbi, hadisənin elmi əsaslara söykənməsi deyil. Həqiqətə uyğun olmasa da, İslam dininə bir tənqid olduğu üçün buna sahib çıxmağa çalışırlar. Nəticə olaraq, bu iddialar tamamilə həqiqətə uyğun deyil. İslam tövhid dinidir. Bu din Adəmdən günümüzə qədər yer üzündə həmişə mövcud olmuşdur. Allah elçiləri vasitəsilə bu dini insanlara çatdırmışdır. Allah Quranda insanların aya, günəşə deyil, yalnız Allaha sitayiş etmələri lazım olduğunu belə vurğulayır: